الفرق بين أنظمه التعليم في قطر

مميزات الأمريكان:
- السنه الدراسيه متقسمه لأربع quarters.
- درجه الطالب أخر السنه هى متوسط الأربعه quarters..يعنى لو عك فى واحد ممكن يلحق نفسه فى التانى
- يعتمد على القراءه النقديه و تعلم القواعد و تطبيقها و برضه فيه نسبه حفظ مش قليله
- المنهج الأمريكى معظمه سهل و ممتع و مش طويل.
- الشغل طول السنه مش كربسه و هلع ما قبل الترمات.. هو كده كده بيل درجات من كل حاجه ..واجبات ..projects etc...
عيوبه:
- المدرسه هى الى بتختار الكتب و المناهج و يدرسوا ايه و ميدرسوش ايه.
- المدرسه هى الى بتحط الأمتحان (ما عدا الSAT) و مفيش اى رقابه عليهم و هما الى بيصلحوا و بيبعتوا النتايج
- grade 11 and 12 الى هما زى ثانويه عامه عندنا.. الطالب بيمتحن امتحانات مواده العاديه و دى عليها 40% بس من المجموع .. الباقى بيمتحن ال
SAT الى هو Scholastic Aptitude Test و بيكون فى الانجليزى و الرياضيات و م من حق الطالب انه يدخل الامتحان لحد 6 مرات عشان يحسن مجموعه.
- درجه النجاح و القبول فى الجامعات 65% اى 1320 درجه من 2400
طيب ايه هو الSAT?
الدبلومة الأمريكية هى شهادة الثانوية الأمريكية المقابله للثانوية العامة المصرية , بدأ امتحان السات فى 1901 من خلال عمل مشترك بين أكبر جامعات أمريكا عشان يعملوا أمتحان يقيس مدة استحقاقية الطالب لدخول الجامعة أو لا و تطور كثيراً من خلالCollege Board و هى المؤسسة الوحيدة المسؤلة عن هذا الامتحان و المنهج فى جميع أنحاء العالم .
تنقسم الدبلومة الأمريكية الى 3 أقسام :
1 – امتحان الـ SAT I
2 – امتحان الـ SAT II
3 – الـ GPA

 

نبدأ بامتحان الـ SAT I :
ده أهم واحد لأن عليه 75% من الدرجات الكلية و كله طلبه الدبلومه الأمريكيه لازم يمتحنوه. أمتحان السات كله Choose” ماعدا كتابة الessay و بعض أسئلة الـ Math
يتكون هذا الامتحان من ثلاث مواد أساسية (Reading – Writing – Math)
الـ Reading
هى مادة تعتمد على الادب و الروايات والمقالات. الطالب مطلوب منه قراءة القطع و الاجابة على اسئلة مثل : ماذا كان يقصد الكاتب , ماذا كانت لهجته هلى هى جادة أم ساخرة الخ ..
و تعتمد أيضا على حفظ الكلمات و المعانى.
الـ Writing
تعتمد على ال “Grammarو الspelling , و الكالب لازم يكون داخل الامتحان متدرب كويس جدا على الessay writing
الـ Math
يعتمد الـ Math و هنا بئه بيجيله كل حاجه درسها من ابتدائي لحد يوم امتحانه ..ممكن يجيبله سؤال من درس خده فى سنه رابعه مثلا! .. يعتمد الحل على الذكاء و التفكير السريع و معرفة القواعد جيداً .

ثانياً امتحان الـ SAT II :
للى عايز يدخل الكليات العلمية مثل الطب و الهندسة و يتكون هذا الامتحان من 4 مواد يختار منها الطالب مادتين فقط على حسب الكلية الراغب فى دخولها و تتكون مواده من Math , Biology , Chemistry , Physics
يستحوذ هذا الامتحان على 15% فى حالة الدخول الى كلية علمية .

ثالثاً الـ GPA
و هى الدرجات التى يحصل عليها الطالب فى المدرسة و تكون بناءً على المواد المدرسية و أعمال السنة , الخ ..
و دى عليها 40% من المجموع الكلى .
المجموع الكلي لطلاب الكليات العلمية 130%
المجموع الكلي لطلاب الكليات الاخرى 115%
يمكن للطالب الدخول الى الكليات الحكومية أو الخاصة على حسب مجموعه , من خلال تنسيق خاص بطلبة الدبلومة الامريكية . مع العلم ان طلبه الانظمه غير الثانويه العامه ليهم نسبه فى التنسيق للجامعات الحكوميه و اظنها 5%
طيب.. فى خبر حلو.. الSAT حصل فيه تغيير هيبدأ يطبق من 2016
نقول الأول على شكل الSAT الحالى:
ينقسم أمتحان السات الى جزئين أساسيين SAT I , SAT II
يتكون كلا الامتحانان من اسئلة “Choose” لكل سؤال خمس أختيارات , يحذف سؤال صحيح لكل 4 اسئلة يحلها الطالب حلاً خطأ .. يعنى لو الطالب حل 4 اسئله غلط .. يحسبوله 4 غلط + خذف اجابه من واحد من الاسئله الى كان حاللها صح
- وقت الامتحان تقريا 3 ساعات و 45 دقيقة , و ينقسم الى 10 اجزاء , 3 اجزاء لكل مادة و جزء متغير , يعتمد الامتحان فى الاساس على سرعة التفكير حيث يكون جزء اساسى من تدريبات طلاب الدبلومة الأمريكية هى تدريبات على السرعة فى الحل و الانتهاء فى الوقت المحدد بأقل أخطاء.
- يحاسب الطالب على الأسئلة الخاطئة و لا يحاسب على الاسئلة المتروكة بدون حل .
- الامتحان من 2400 درجه total
- الessay اجبارى
طيب ايه الى هيتغير؟
- الدرجات هتبقى من 1600 بدﻻ من 2400 .
- الامتحان هيبقى متقسم 800 درجه MATH و 800 درجه لل English . يعنى لو حد مش قوى اوى فى الانجليش ممكن يعوض فى الmath
- الامتحان هيبقى 3 ساعات بس.
- ال Essay هيبقى اختيارى و مدته 50 دقيقه بره ال3 ساعات الاساسيه و ده للى عاوز.
- الأسئله الغلط مش هتتخصم من الصح, هتاخد درجاتك على الى انت حليته و بس.
- ممكن يمتحنه على ورق و ممكن اونلاين
- وقت الامتحان تقريا 3 ساعات و 45 دقيقة , و ينقسم البى 10 اجزاء , 3 اجزاء لكل مادة و جزء متغير , يعتمد الامتحان فى الاساس على سرعة التفكير حيث يكون جزء اساسى من تدريبات طلاب الدبلومة الأمريكية هى تدريبات على السرعة فى الحل و الانتهاء فى الوقت المحدد بأقل أخطاء.
- الاجابابت معدتش choose و بس ... هيتطلب من الطالب يكتب الدليل على صحه اجابته.
- فى اجزاء فى امتحان الmath هيتمنع فيها استخدام الcalculator عشانيقيسوا مدى فهم الطالب و قدرته على الحل و انه يشغل مخه
و تغييرات تانيه هتبان لما يبدأ تطبيق الانظام الجديد
طيب يبقى الأمريكان اسهل بس الولد برضه هيشتغل كتير و لازم يذاكر كتير والا مش هيفلح.
و مينفعش الاهل يلاقوا الطفل ضعيف .. نستسهل و ندخله أمريكان ..ده مش حل .. ده تأجيل للكارثه لحد grade 11.
فى دلوقتى مشكله.. فى فرق فى التوقيت بين مصر و امريكا.. و احنا قلنا ان الSAT بييجى من امريكا للعالم كله ..مصريين صينيين ..كله نفس الامتحان.. فا بعض المدرسين عديمى الضمير تسببوا فى كارثه ..عرفوا الامتحانات من أمريكا و سربوها فى مصر و السعوديه سنه 2103 .. فا الcollege board عاقبت مصر و السعوديه بانهم خفضوا عدد محاولات تحسين الطالب من 6 محاولات الى 4
فى مشكله أخرى ... برضه نتيجه التسيب و عدم تطبيق القانون... مصر فيها أفواج من طلبه الأمريكان ... بلاد تانيه زى لبنان مثلا و تركيا و دبى عدد الطلبه قليل و مستواهم ضعيف .. فا الaverage بتاعهم قليل و الفلوس بتدى تسهيلات كتير على حسب قول الاباء.. فا بعض المستغلين هنا بقوا ينظموا رحلات لطلبه انهم يطلعوا يمتحنوا فى بلاد اخرى بالرغم من ان القانون بيقول لازم الطالب يمتحن فى البلد الى هو درس فيها .. 
دى فرصه للطالب الضعيف ... بس ظلم للطالب الى ذاكر ... و ممكن فعلا حد يسافر و هووب! تقوم الوزاره متعتمدش النتيجه .. القرارات فى مصر بتطلع فى ثوانى.
طيب ال IG

مميزاته:
- تختار المواد الى انت عايزها و الى بتصب فى الاخر فى اتجاه الجامعه الى الطالب ناوى يدخلها
- ليك الحريه تمتحن امتى و حريه اختيار عد المواد فى السنه
- المواد فيها مواد فهم و فيها حفظ زى مثلا الكيمياء و العربي ...
- التصحيح بحق ربنا و نسبه التظلم تكاد تكون منعدمه
- المحتوى الى بيتدرس مفيد و غنى.
- امتحان Cambridge مش كله واحد زى الSAT ... لا .. فى امتحان للطلبه الى لغتهم الاولى انجلش و امتحان تانى للطلبه الى لغتهم التانيه انجلش

عيوبه:
- لازم الطالب يكون كويس جدا فى الEnglish ..مينفعش نص نص
- كم الدروس و المنهج كبير
- المجموع على درجات الامتحان و بس
- غالى تسبيا عن الأمريكان فى بعض المدارس.
- مفيهوش تهريج! يعنى مثلا فى الامريكان ممكن الطالب يعك فى امتحان و ينجح بمتوسط الواجب و المشاريع الى بينفذها ... الIG مفيهوش الكلام ده .. زيه زى ثانويه عامه .. حليت كويس هتنجح ..محلتش هتسقط.
مواد أولى ثانوى اسمها O level و هما 8 مواد و الطال بيختار بين Arabic, Chemistry, Biology < Accounting, Business , Physics etc....
و دول ممكن تقسمهم براحتك على 3 سنين و ممكن تعيد اى ماده منهم لو عايز تحسن درجتك
فى 2ثانوى المواد اسمها AS Level و دول مكملين للO Level و ليهم علاقه باختيارك للجامعه .. لو هندسه يبقى هنختار Math and Physics
لو طب يبقى Biology and Chemistry
فى 3 ثانوى او grade 12 يا اما متاخدش حاجه خالص او تحسن من درجاتك او يكون عندك باقى من مواد اولى و تانيه ثانوى او ممكن تزود حاجه اسمها A level او A2
و ده تكمله لل AS Level و المواد فيه بتتشرح بعمق أكبر و طبعا أصعب.
بالنسبه للتنسيق, التنسيق بيشوف مجموعك فى الAS Level أعلى ولا لو ضفنا اليه الى A Level اعلى و بيكتبلك الأعلى فيهم.
الCanadian
معنديش عنه معلومات كتير للأسف ..
لو هيدخل جامعه حكوميه ..لازم بيدخل امتحان الSAT الأمريكى ..ز انما لو هيدخل جامعه خاصه مش بيدخل الSAT
برضه لازم ينجح فى 8 مواد مؤهله للكليه الى هو ناوى عليها و طبعا هو الى بيختارهم و بيقسمهم على grade 11 and 12
النظام الكندى ظريف جدا و بيعتمد على فهم الطالب اكتر من الحفظ و بيشجع الابداع و ان الطالب يقول رأيه و يستخدم مخه
ال3 مدارس الى معتمدين فى مصر من كندا هما:
Heritage 6th of October >> Manitoba 
BCCS Shrouk City >>> British Colombia
CISE Tagamo3 el 5ames >>> Ontario
فى أنظمه تانيه بس انا مش عارفه عنها حاجه زى المدارس التركيه زى صلاح الدين ليها فرع فى التجمع و فرع فى بنى سويف. و فى مدارس ايرلانديه بس انا مش فاهمه هتفرق ايه عن ال British اذ ان Ireland تتبع المملكه المتحده
و فى المدرسه الصينيه التجريبيه فى 6 اكتوبر و طبعا فى الالمانى و الفرنسى و حاجات تانيه كتير.
نحاول ندور على مدرسه ادارتها كويسه و strict لأن المدارس الدوليه سلطه وزاره التعليم عليها كاد تكون معدومه حتى لو القانون نص عكس ذلك ... بدليل ان الوزاره ملهاش اى دعوه بيهم فى اى حاجه و حتى لما بتطلع قرار ان مينفش المصاريف تزيد عن 10% بيزودوا برضه.
المدارس و الجامعات الخاصه هو مشروع استثمارى لصاحبها بالدرجه الاولى و مصلحه الطالب بتيجى فى الدرجه التانيه و الاهالى عارفين كده ..الامن رحم ربي طبعا
و مفيش حاجه اسمها Semi international ده نصب علنى ... ده تعليم عادى ناشيونال و بيزودوا كام حاجه و ياخدوا مصاريف الانترناشيونال
يا رب البوست يكون ساعد اى ولى أمر فى اتخاذ قرار او انه يكون فهم حاجه بشكل أوضح.
كل ما يهمك ان تعرفه عن (IGCSE) معلومات تهم الطلاب واولياء الأمور
المميـزات: 
1.التخلص من طريقة حفظ الدروس والتركيز على الفهم. 
2.عدم الحاجة للدروس الخصوصية .
3.فرصة واسعة لأكتشاف قدرات ومهارات طلابنا.
هذه الحروف IGCSE هي الأولى من عبارة الشهادة الدولية العامة للتعليم الثانوي وهي تحت إشراف جامعة كامبريدج بالمملكة المتحدة 
وهي شهادة تسمح للطلاب المصريين بالإستمتاع بالتعليم البريطاني دون عناء السفر إلى بريطانيا 
لقد تم توقيع بروتوكول بين وزارتي التعليم بالبلدين عام 1990 لبدء تفعيل المرحلة الثانوية فقط ، أعقبه تعديل عام 1998 ثم ملحقان عام 2007 أتاحا البدء في المرحلتين الابتدائية والاعدادية .
IGCSE
تعد الطلاب المصريين للالتحاق بالجامعات المحلية والدولية شريطة الحصول على درجات النجاح في عدد (8) مواد دراسية عادي و مادتين (2) مستوى متقدم
اذا رغب طالب في الالتحاق بكلية الطب فعليه بدراسة المواد الآتيه :
لغة انجليزية أو أدب انجليزي – مستوى عادي
كيمياء – مستوى عادي
فيزياء – مستوى عادي 
محاسبة او اقتصاد او ادارة أعمال اذا لم يرغب في دراسة مادة الرياضيات – مستوى عادي
أحياء – مستوى عادي
أحياء – مستوى متقدم
ويحق للطالب استكمال العدد المطلوب من المواد حسب رغبته .
تحتسب درجات مواد المستوى العادي كالتالي A – B – C -*
وتعد أى درجة اقل من ذلك رسوباً . أما بالنسبة لمواد المستويين المتقدم A Level او المتقدم التكميلي AS فتحتسب الدرجات كالتالي
A – B – C -* اعتبارا من امتحان 2013 بينما يظل تقدير نجاح حتى نوفمبر 2012 قيمة الدرجات
أصدر المجلس الأعلى للجامعات قراراً بأحتساب التقديرات كالتالي
100% = *
A = 95%
B = 85%
C = 67.5%
D = 60%
E = 52%
الامتحانات:
لطالب المرحلة الثانوية أن يدرس المواد المطلوبة في ثلاث سنوات يدخل فيها الامتحان خمس مرات ( ثلاث مرات في يونيو ومرتين في نوفمبر التالي ) يكون خلالها قد انتهى من دراسة المواد المطلوبة والمؤهلة لدخول الجامعة
هل هي شهادة "علمي" فقط ؟
هناك دائما فرصة للطالب الذي لا يرغب في دراسة أي من المواد العلمية واستبدالها بمواد أدبية.
English Language
English Literature
German/French
Art
History
Sociology
( كمبيوتر ) ICT 
Economics/ Business / Accounting
بديـهـيات – قـوانـيـن الالتـحـاق والتحـويل
1- من الممكن التحويل من وإلى IGCSE في كل الصفوف حتى الصف الأول الثانوي بشرط النجاح في المواد القومية (اللغة العربية – التربية الدينية – الدراسات الاجتماعية ) .
2- الحد الأدنى لسن القبول بالصف الأول الابتدائي هو خمس سنوات ونصف .
3- لايجوز التحاق طالب الإ اذا كان محولاً من مدرسة لغات.
هي السنة السابقة على الالتحاق بالمرحلة الثانوية ولا دخل لدرجات الطالب فيها بمسألة دخول الجامعة وانما هي (بروفة ) كاملة لما سوف تكون علية المرحلة الثانوية.
English –Math –Biology –Chemistry –Physics
وتقديرات النجاح لهذه المواد هي C - D – E – F – G – U 
ويعد الطالب الحاصل على التقدير ( U ) في أي مادة راسباً ويستوجب عليه إعادة المادة في شهر اكتوبر الثاني فاذا لم ينجح في الإعادة فيكون عليه إعادة السنة الدراسية بأكملها حتى لو كان ناجحا في أربع مواد في المرة الأولى.
الصف الثاني الإعدادي - Grade 8) Checkpoint)
هي سنة حاسمة للوقوف على مستوى الطالب، وأين يقف، وما هو ترتيبة بين أقرانه
وفي هذه السنة ( وجميع السنوات التي تسبقها من KG-Grade7 ) 
يدرس الطالب ثلاث مواد فقط هي (English –Math- Science )
وتظهر النتيجة على هيئة (سلم ) من ست مراحل فمثلاً تظهر نتيجة الطالب على انها 
4/6 في الرياضيات 
5/6 في العلوم 
2/6 في اللغة الانجليزية
، وهذه ليست درجة ولا تقدير وإنما هي تقييم عام لمستواه بعد تقسيم هذا المستوى إلى ست مراحل وينطبق هذا تماماً على طلاب الصف السادس الإبتدائي CIPP-Grade6 وبالتالي ليس هناك رسوب يستوجب دوراً ثانياً أو إعادة للسنة الدراسية مثلما هو الحال في Grade9
يبدأ العام الدراسي أول اكتوبر
يعتمد النظام البريطاني على الامتحان النهائي فقط وبالتالي لاتوجد امتحانات شهر أو نصف العام فالدرجة كلها تأتي من امتحان آخر العام فقط والذي يعقد من منتصف مايو إلى منتصف يونيو .
تظهر نتائج امتحانات منتصف (يونيو) في الأسبوع الثاني من أغسطس بينما تظهر نتائج (نوفمبر) في الأسبوع الثاني من يناير .
يبدأ التسجيل لإمتحانات يونيو في الأسبوع الثاني من فبراير بينما يبدأ التسجيل لإمتحانات نوفمبر في الأسبوع الثاني .
يدخل الطلاب امتحانات المواد الحكومية القومية وهي:
– لغة عربية
– تربية دينية 
– دراسات اجتماعية
طبق للجدول الذي تضعه الإدارة التعليمية ويدخل طلاب الثانوية العامة بمرحلتيها الامتحان في لجان تعقد لهم خصيصاً ويمتحن طلاب المرحلة الأولى (ثانية ثانوي) في اللغة العربية والدين
بينما تضاف مادة التربية الوطنية للمرحلة الثانية (ثالثة ثانوي ) وهذه الامتحانات تجري في الأسبوع الثاني من شهر يونيو والدور الثاني ينعقد في الاسبوع الأول من شهر أغسطس.
1- بعد النجاح في الشهادة الإعدادية يلتحق الطالب الطالب بالصف الأول IG ويدرس في الغالب (4) مواد (يمكن حسب الطلب أن يكونوا ثلاثة أو خمسة ) 
2- عادة ما يختار الطالب الذي كان في (Grade 9) نفس المواد الخمسة التي نجح فيها حيث أنها تمثل ثلثي مواد (Grade 10) من حيث الكم ونوعية الامتحانات.
3- يمكن للراغب في الالتحاق بكلية الهندسة أن لايختار مادة الأحياء كما يمكن للراغب في الالتحاق بكلية الطب أن لايختار مادة الرياضيات .
4- المطلوب من الطالب الجديد الأوراق التالية :
*شهادة ميلاد (كمبيوتر) .
*شهادة نجاح إعدادية.
*طلب تحويل من المدرسة الأصلية معتمد من الإدارة التعليمية التابعة لها وايضاً من الإدارة التعليمية التابعة لها مدرستنا.
*تسدد مصروفات التسجيل في موعد أقصاه 30/11 .
5- الطالب يدرس المواد القومية الحكومية،ومطلوب إجتيازها فقط بدرجة النجاح وهي ( عربي – دين – تاريخ في الصف الأول من العام الدراسي ليستبدل بجغرافيا في الصف الثاني ).
6- يمكن للطالب الذي لايرغب في دخول الطب أو الهندسة أن يكتفي بدراسة (8) مواد مستوى عادي فقط.
7- أي دور امتحان إضافي يدخله الطالب بعد الفرص الخمسة يلغي الدور الأول (لو دخل مثلاً 2006 ، 2007 ، 2008 ، ثم دخل 2009 يلغي 2006 )
8- هناك نظام الساعات الإضافية يجمع فيه الأستاذ طلابه لإعادة شرح ما تعذر عليهم فهمه .
1- يجري استقبال المناهج من على الانترنت وبناء عليها يتم اختيار الكتب الدراسية التي تغطي تلك المناهج .
2- جميع المدرسين معتمدين وحضروا دورات تدريبية بالقاهرة تحت إشراف المجلس الثقافي البريطاني .
3- لكل مدرسة موقع مخصص على الانترنت ويلزم لدخوله كود للمستخدم تحصل منه كل مدرسة على الامتحانات والتي لها الحق في إجراء تعديلات عليها وتصحيحها بموجب الترخيص الممنوح لها .
4- تظهر نتائج الامتحانات في الأسبوع الثاني من مايو ولايوجد دور ثاني ولا إعادة للسنة الدراسية .
5- الطالب الذي يحصل على أقل من 30% يجري له دعماً فنياً عن طريق حضور فصل دراسي لتقويته لمدة ستة أسابيع ينتقل بعده للصف الدراسي الثاني .
6- تأتي امتحانات الصف السادس الإبتدائي والصفين الثاني والثالث الإعدادي مباشرة من انجلترا وتصحح هناك وترسل لنا النتائج عبر الأنترنت.
7- يمتحن الطلاب في هذه الصفوف في مواد اللغة العربية والتربية الدينية والدراسات الاجتماعية على المنهج المصري ، ومطلوب درجة النجاح فقط ولاتضاف درجات هذه المواد للمجموع النهائي لدرجات الطلاب في مواد كامبريدج .
8- مدرسو الصفوف الإبتدائية الأولى أجانب .
9- تضاف لغات وأنشطة لجداول الحصص .
1- بلغ عدد طلاب الصف الثالث الثانوي بالنظام المصري 450 000 طالب عام 2010 .
2- ينجح نصف هذا العدد ويلتحقون بالجامعات المصرية وهم حوالي 225000 طالب .
3- تبلغ نسبة الـ 5% عدد 11250 طالب .
4- يكون خريجو IGCSE + الأمريكية + عائدون من دول خارجية حوالي 8000 طالب.
5- واضح أن النسبة تغطي الخريجين وزيادة .
6- من المعروف أن الجامعات الخاصة يتقدم لها الطلاب مباشرة بدون تنسيق.
1- محاسبة
2- لغة عربية
3- تربية دينية
4- أحياء
5- إدارة اعمال
6- كيمياء
7- كمبيوتر
8- إقتصاد
9- لغة انجليزية
10- لغة فرنسية
11- تاريخ
12- رياضيات
13- فيزياء
14- علم اجتماع
15- علم نفس
16- آدب انجليزي
معلومات عن ال IB
ال IB عباره عن ٦ مواد اساسيين بالاضافه الى CAS, extended essay and the theory of knowledge. المواد الاساسيه مجموعهم من ٤٢ يعنى الماده من ٧. بيتم اختيار٣ مواد high level و دول غالبا بيكونوا مواد التخصص يعنى الى عايز يدخل هندسه يختار math and physics high level و الى عايز يدخل business or political science بيختارhistory or business or ممكن بعض الاولاد يختاروا اربع مواد high level بدل ٣ و دى بتزيد درجه الصعوبه. لازم برضه يختاروا من ال٦ مواد english or arabic. كل المواد مجموعها من ٧ سواء كانت high level او لا. اما ال extended essay ,CAS and TOK فدول مجموعهم من ٣. ال CAS دا اختصار creativity, action and service و دا ما لوش درجات بس لازم ينجح فيه الطالب. لازم يشتغل حاجه خاصه بالابداع و يلعب رياضه و يخدم المجتمع و لازم يثبت اول ب اول للمدرسه انه بيعمل الثلاث حجات دول. اما extended essay دا بيقدمه ابطالب خلال السنتين و بيكون ٤٠٠٠ كلمه و مجموعه هو و theory of knowledge من ٣. ال TOK بقى مش ماده محدده ، هى بتشتغل على طريقه التفكير و عرض وجهات النظر و بيتم دراستها خلال السنتين. الامتحان بيكون فى نهايه السنتين بس دا مش معناه ان الطالب ينام طول السنتين و يذاكر اخر شهرين لان النظام تراكمى و فيه امتحانات طول الوقت و الطلبه مطالبين بانهم يلتزموا ب dead lines المفروضه عليهم. عموما ال IB نظام تعليمى ممتاز بس المهم الطالب يختار المواد المناسبه لقدراته و يعرف ينظم وقته لانه نظام بينحت مهارات الطلبه و يحطهم under pressure طول السنتين
كل مدرسه بتختار هى عايزه تقدم الIB من سن ايه

 

 

المصدر: مجموعات صفحات ومجموعات على فيسبوك + جريدة اليوم السابع المصرية

قد يهمك أيضاً:

Please publish modules in offcanvas position.